Monday, April 16, 2018

മാലോകരെ,
നിണം മണക്കുന്നു ഞാൻ
വേനൽമാസ സൂര്യനിൽ

അറിയുന്നുവോ നിങ്ങൾ?
കേരദേശത്തിൻ  മേഘ ച്ചുരുളുകളിൽ
നിബിഡമായ കാർമേഘങ്ങൾ വന്നു മൂടി
കൂരിരുളിൽ കഠാരകൾ  അമർന്നു പൊങ്ങി
ചുടു ചോരയാൽ തണുക്കുo
ഒരുപക്ഷേ ധരണി

തണുത്തുറഞ്ഞ്ഞ നിലത്തിൽ
കാണും നമ്മൾ നിറങ്ങൾ
അതിൽ ഒന്നൊന്നായ് തെളിയും
അതിചാരുത നിറയും നിറക്കൂട്ടുകൾ
കാവിയും , ചുവപ്പും, പച്ചയും
പിന്നെ , സിന്ദൂരകുംകുമവും


Poem copyright +Ajay Pai  16  th April 2018
Image courtesy : Pexels









Sunday, April 15, 2018

അറിയുന്നുവോ നീ, ആസിഫ?
മകളെയെന്നോതുവാൻ  തുടിക്കുന്നു
എൻ മനം , എന്നാൽ
വിറയ്ക്കുന്നു ഈ  താത്തന്റെ വിരലുകൾ 
നിന്ടെ നാമം എഴുതുമ്പോൾ

യുഗങ്ങൾ പലതും കാത്തിരുന്നു ഞാൻ
ഒരു പൈതലിനായ് ...
തഴകുവാൻ, തലോടുവാൻ 
മാമൂട്ടുവാൻ ...
മനം മടുക്കും ചെയ്തികളാൽ
ഉറക്കി കളഞ്ഞുവല്ലോ നിന്നെ അവർ

എൻ കർണ്ണങ്ങൾ  നീറുന്നു
നിൻ  തേങ്ങലിൻ അലകളാൽ
അലറി കരയുവാൻ വിതുമ്പുന്ന
ഒരച്ഛന്റെ ഹൃദയ നൊമ്പരം
അറിയില്ലൊരിക്കിലും ഈ ഉലകം, കുഞ്ഞേ

ജാതിമതഭേദങ്ങളും
നിറക്കൂട്ടുകളും ഇല്ലാത്ത
പറുദീസയിൽ നേർക്കുനേർ കാണും നീ
ലോകനാഥനെ
ഉന്നയിക്കണം നീ, ഈ ചോദ്യശരം ?
വിഭോ, കാമാന്ധരും നിൻ സൃഷ്ടികൾ തന്നെയോ?



Poem copyright +Ajay Pai  15 th April 2018